ᐃᓕᑕᕐᓇᐅᑎᖏᑦ ᐳᕙᓪᓗᓂᐅᑉ ᐊᑯᓂ ᓄᐃᒐᓱᒍᓐᓇᖁᑦ.
ᓄᐃᑉᐸᑕ, ᑎᒥᒃ ᐃᑲᔪᕐᑕᐅᓗᑐᒋᐊᓕᒃ. ᓯᕗᓪᓕᒥ, ᖁᐃᕐᑐᑐᐃᓐᓇᒍᓐᓇᑐᖅ ᐊᑯᓂ. ᐱᕙᓪᓕᐊᓂᖓᓂ, ᐊᓯᖏᑦ ᐃᓕᑕᕐᓇᐅᑏᑦ ᓄᐃᓂᐊᓕᕐᒪᑕ:
- ᐊᔪᒉᑦᑐᒥᒃ ᖁᐃᕐᑐᓂᖅ ᒪᕐᕉᓂᒃ ᐱᓇᓱᐊᕈᓰᓐᓂᒃ ᐅᖓᑖᓄᑦ;
- ᐅᕆᐊᕐᓂᖅ ᐊᐅᒻᒥᒃ;
- ᓂᕆᒍᒣᕐᓂᖅ ᓴᓗᓐᓂᓗ;
- ᐆᓇᕿᓂᖅ;
- ᓴᕝᕕᓕᕆᓃᑦ ᐊᓂᕐᑎᕆᑦᓱᓂ;
- ᐅᓐᓄᐊᑯᑦ ᐊᐅᒡᒐᓂᕐᓃᑦ;
- ᓄᑭᖃᑦᓯᐊᖏᓐᓂᖅ ᑕᖃᒪᓂᕐᓗ.
ᐃᓄᒃ ᐊᑕᐅᓯᕐᒥᒃ ᐅᓄᕐᓂᓴᓂᓗᓐᓃᑦ ᐃᓕᑕᕐᓇᐅᑎᖃᕐᐸᑦ ᐋᓐᓂᐊᕕᐊᐱᓕᐊᑲᐱᒋᐊᖃᕐᖁᖅ.
ᐳᕙᓪᓗᓂᐊᖕᖑᕆᔭᐅᑉᐸᑦ, ᐊᒥᓱᒐᓚᓐᓂᑦ ᖃᐅᔨᓴᕐᑕᐅᒍᑎᖃᓂᐊᕐᖁᖅ ᖃᐅᔨᒍᑎᐅᓗᓂ ᐋᓐᓂᐊᒥᒃ, ᐃᓚᐅᑎᓪᓗᒋᑦ ᐅᕕᓂᒃᑯᑦ ᖃᐅᔨᓴᕐᓂᖅ, ᖃᐅᔨᓴᕐᓂᖅ ᐅᕆᐊᖏᓐᓂᑦ ᑕᕐᕋᑐᕐᑕᐅᓗᓂᓗ ᓴᕝᕕᑯᑦ. ᖃᐅᔨᒍᑎᐅᔪᑦ ᐃᓚᖏᓐᓂ ᖃᐅᔨᓴᕐᓂᓂ ᐊᑐᐃᓐᓇᐅᒍᓐᓇᖁᑦ 48ᓄᑦ 72ᓄᑦ ᑫᕙᓪᓚᒍᓯᕐᓂᑦ. ᖃᐅᔨᓴᕐᓂᒥ ᓱᕐᖁᐃᑕᐅᑉᐸᑦ ᐁᑦᑐᑑᑎᐅᖑᓐᓇᖏᑦᑐᒥ ᐳᕙᓪᓗᒍᑎᖃᕐᐸᑦ, ᐋᓐᓂᐊᓯᐅᑎᓂᑦ ᐱᖁᔭᐅᓂᐊᕐᖁᖅ ᖁᐱᕐᕈᐊᕈᓰᑦ ᓄᖑᑕᐅᒍᑎᑦᓴᖏᓐᓂᑦ ᑎᒥᒥ ᐁᑦᑐᑑᑎᐅᓲᖑᑎᑦᑌᓕᓗᒍᓗ ᐋᓐᓂᐊᒃ. ᐁᑦᑐᑑᑎᐅᒍᓐᓇᑐᒥ ᐳᕙᓪᓗᐸᑦ, ᐋᓐᓂᐊᕕᒻᒥᒋᐊᖃᑐᐃᓐᓇᕆᐊᓕᒃ ᐋᓐᓂᐊᓯᐅᕐᑕᐅᒍᑎᖃᓪᓚᕆᒋᐊᖃᕐᓱᓂᓗ.