ᓇᓪᓕᐅᓂᕐᓯᐅᕈᑎᖃᕐᓂᖅ ᐊᕐᕌᒍᓂᒃ ᑕᓪᓕᒪᓂᒃ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᐅᓲᑦ ᐅᐱᒋᔭᐅᓂᖓᓂᒃ ᓄᓇᕕᒻᒥ
ᓅᕕᒻᐱᕆᑕᒫᑦ, ᓄᓇᕕᒻᒥ ᓇᓪᓕᐅᓂᕐᓯᐅᕈᑎᖃᓲᑦ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓂᒃ ᓇᓗᓀᕐᓯᒍᑎᒋᑦᓱᒍ ᐅᐱᒍᓱᓐᓂᕆᑦᓱᒍ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᐅᓲᑦ ᐱᓇᓱᐊᕐᓂᕆᓲᖓᓂᒃ ᓄᓇᕕᓕᒫᒥ.
ᑕᒡᒐᓂ ᐊᕐᕌᒍᒥ ᖃᐅᔨᓵᕆᒍᑏᑦ ᐃᓚᒋᔭᐅᔪᑦ ᐊᒥᓱᓄᑦ ᑐᓴᐅᒪᑎᑦᓯᒐᓱᐊᕈᑎᑦᑎᓄᑦ ᐃᑲᔪᕐᑕᐅᒍᑎᒋᒍᓐᓇᑕᖏᓐᓄᑦ ᐱᓪᓗᑯᒋᐊᓕᑦᑎᒍᑦ ᐱᓇᓱᐊᓲᓄᑦ ᐊᑐᕐᑕᐅᒍᓐᓇᑐᓂᒃ (APSC).
ᑐᓴᐅᒪᑎᑦᓯᒐᓱᐊᕈᑎᒋᓲᑦᑎᓄᑦ ᐃᓚᐅᑎᓪᓗᒍ, ᐱᓇᓱᐊᕆᐊᓪᓚᓛᕐᑐᒍᑦ ᖃᐅᔨᒪᔭᐅᑎᑦᓯᒐᓱᐊᕐᓗᑕ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓂᒃ ᐱᓇᓱᑦᑎᓴᕐᓯᐅᓂᕐᒥᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓕᕆᔩᑦ ᐱᒻᒪᕆᒻᒥᒃ ᐱᓇᓱᒐᖃᕐᒪᑕ ᐃᑲᔪᕐᑎᐅᓱᑎᒃ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔨᓄᑦ. ᑭᓯᐊᓂ ᐃᒻᒥᓂᕿᒍᓐᓇᖏᑦᑐᓂᒃ ᑲᒪᔩᑦ ᓵᖕᖓᔭᐅᒋᐊᖃᕐᓂᖓᓂᒃ ᐊᕐᓵᓂᓐᓂᐅᖏᑦᑐᖅ. ᓲᖑᓯᒋᐊᕐᑎᓯᓂᖅ ᐃᑲᔪᕈᑎᐅᒌᓲᓂᒃ ᑖᒃᑯᓄᖓ ᐅᖁᓪᓕᐅᒥᑎᑦᓯᒋᐊᕐᓱᑎᓪᓗ ᑲᒪᒋᒋᐊᖃᓲᖏᓐᓂᒃ.
ᓈᓚᐅᑎᒃᑯᑦ ᑐᓴᐅᒪᑎᑦᓯᒍᑏᑦ, ᐃᓄᓕᒫᓄᑦ ᕿᒥᕐᕈᔭᐅᒍᓐᓇᑐᑎᒍᑦ ᖃᐅᔨᒪᔭᐅᑎᑦᓯᒐᓱᐊᕈᑏᑦ ᑲᒪᔨᑦᓯᐊᖑᓂᕐᐹᓂᓪᓗ ᓇᓪᓕᑲᓃᑦ, ᓄᓇᓖᑦ ᓇᓪᓕᐅᓂᕐᓯᐅᖃᑎᐅᖁᔭᐅᔪᑦ ᓴᐳᒻᒥᓲᓂᒃ, ᑲᒪᑦᓯᐊᓲᓂᒃ ᑲᖐᒋᔭᖃᑦᓯᐊᓱᑎᓪᓗ ᖃᐅᑕᒫᑦ ᐊᓯᒥᓂᒃ.
ᓱᓇᓂᒃ ᓂᕆᐅᒋᐊᖃᕐᕿᑦ ᑲᒪᔩᑦ ᐅᐱᒋᔭᐅᓂᖓᑕ ᑕᕐᕿᖓᓂ
- Facebook-ᑯᑦ ᖃᐅᔨᒪᔭᐅᑎᑦᓯᒐᓱᐊᕐᓂᖅ ᐱᒋᐊᓛᕐᑐᖅ ᓅᕕᒻᐱᕆᒥ ᐊᕐᕌᒍᓕᒫᒥ ᑲᔪᓯᓚᖓᓗᓂ
- ᖃᐅᔨᒪᔭᐅᑎᑦᓯᒐᓱᐊᕈᑏᑦ ᐋᓐᓂᐊᕕᓐᓄᑦ ᐊᐅᓪᓚᑎᑕᐅᓛᕐᑐᖅ
- ᑕᕐᕋᒥᐅᒃᑯᑦ ᓈᓚᐅᑎᒃᑯᑦ ᑐᓴᐅᒪᔭᐅᑎᑦᓯᓂᖅ
- ᓄᓇᓕᓐᓂ ᑐᓴᐅᑎᒃᑯᑦ ᑐᓴᐅᒪᔭᐅᑎᑦᓯᓂᖅ
- ᑲᒪᔨᑦᓯᐊᖑᓂᕐᐹᖅ ᐱᓇᓱᐊᕐᑕᐅᓂᖓ - ᓇᓗᓀᕐᓯᓂᖅ ᑲᒪᔨᓂᒃ ᓇᓪᓕᑳᔭᐅᓯᒪᔪᓂᒃ ᓄᓇᓕᒻᒥᓂ
ᓇᓪᓕᑳᓗᑎᑦ ᑎᒃᑯᐊᓯᓗᑎᒃ ᑲᒪᔨᑦᓯᐊᖑᓂᕐᐹᖁᑎᓐᓂᒃ ᐅᓪᓗᒥ!
ᐱᒍᒪᔭᐅᑎᑦᓯᒐᓱᐊᕈᑏᑦ ᖃᕆᑕᐅᔭᕐᓅᓗᒋᑦ
- CAM 2026 - ᐊᑭᓐᓇᒥᐅᑕᖅ
- CAM 2026 - ᐃᒐᓂᕐᒥᒃ ᐊᑐᐃᓐᓇᕈᕐᑎᕆᓂᖅ
- CAM 2026 - ᓈᓚᐅᑎᒃᑰᕈᑎᑦᓴᓂᒃ ᐊᑐᐃᓐᓇᕈᕐᑎᕆᓂᖅ
ᖃᐅᔨᒋᐊᕐᕕᐅᒍᓐᓇᑐᑦ
- ᖃᕆᑕᐅᔭᐅᑉ ᐊᓪᓚᑖᕐᕕᖓᒍᑦ: Access.specialcareprograms.nunavik@ssss.gouv.qc.ca
- Facebook: Nunavik – Access Point for Special Care Programs
ᓅᕕᒻᐱᕆᒥ ᖃᐅᔨᒪᒐᓱᐊᓛᕐᖁᓯ ᓇᓪᓕᐅᓂᕐᓯᐅᖃᑎᐅᓗᓯᓗ ᓇᓪᓕᐅᓂᕐᓯᐅᕈᑎᖃᕐᑎᓗᑕ ᐃᒻᒥᕿᒍᓐᓇᖏᑦᑐᓂᒃ ᐃᑲᔪᕐᑎᐅᓲᓄᑦ ᓄᓇᓕᑦᑎᓂᒃ ᖃᓄᐃᖕᖏᓯᐊᕐᑎᓯᔪᓂᒃ ᓲᖑᔫᑎᑦᓯᓱᑎᓪᓗ!