ᖃᐅᔨᓴᕐᑕᐅᓯᐊᖃᑦᑕᓂᖅ ᐃᓪᓕᐊᑉ ᐸᖓᒍᑦ ᑲᒡᒍᑎᑖᕇᒃᑯᑎᐅᕗᖅ

ᖃᐅᔨᓴᕐᑕᐅᓯᒪᕖᑦ ᐃᓪᓕᐊᐱᑦ ᐹᖓ ᑲᒡᒍᑎᑕᖃᕐᒪᖔᑦ?

ᓱᓇᐅᕙ ᐅᖕᖑᑖᕈᑕᐅᒍᓐᓇᑐᖅ ᖁᐱᕐᕈᖅ ᐁᑦᑐᑑᑕᐅᓲᖅ (HPV)

ᐅᖕᖑᑖᕈᑕᐅᒍᓐᓇᑐᖅ ᖁᐱᕐᕈᖅ ᐁᑦᑐᑑᑕᐅᓲᖅ (HPV)  ᐋᓐᓂᐊᑖᕆᔭᐅᓲᒍᖃᑕᐅᕗᖅ ᐁᑦᑐᑑᑕᐅᓲᒍᑦᓱᓂ ᐅᕕᓂᒻᒥᑦ ᐅᕕᓂᒻᒧᑦ ᐁᑉᐸᕇᑦᑐᖃᓕᑐᐊᕐᒪᑦ. 100-ᐅᖓᑖᓅᕐᐳᑦ ᐊᑦᔨᒌᖕᖏᑐᑦ ᐅᖕᖑᑖᕈᑕᐅᒍᓐᓇᑐᖅ ᖁᐱᕐᕈᐃᑦ ᐁᑦᑐᑑᑕᐅᓲᑦ, ᐃᓚᖏᐊᓪᓛᑦ ᑲᒡᒍᑎᑦᓴᑖᕈᑕᐅᒍᓐᓇᑐᓂᒃ ᑭᓪᓕᑖᕈᑕᐅᒍᓐᓇᓱᑎᒃ, ᐊᑯᓃᕐᑐᒨᓕᖓᔪᒥᓪᓗ, ᐃᓪᓕᐊᑉ ᐹᖓᒍᑦ ᑲᒡᒍᑎᖕᖑᕈᓐᓇᓱᑎᒃ. ᐊᖑᑏᑦ ᕿᑐᕐᖓᓴᕐᑖᑎᑦᓯᒌᒃᑯᑎᑦᓴᖏᑦ ᐁᑦᑐᑐᐃᑦᑌᓕᒍᑎᑦᓯᐊᒍᒐᓗᐊᕐᓱᑎᒃ, ᐃᓘᓐᓈᒍᑦ ᓴᐳᒻᒥᓚᕆᒍᓐᓇᖏᒻᒥᒪᑕ, ᖁᐱᕐᕈᖅ ᐁᑦᑐᑑᑕᐅᓲᖅ ᐃᕐᐸᕈᓐᓇᒪᑦ ᓴᐴᓗᑦᓯᓯᒪᖕᖏᓂᖓᓄᑦ ᐅᕕᓂᐅᑉ.

ᓱᒧᑦ ᖃᐅᔨᓴᕐᑕᐅᒋᐊᖃᕐᓂᖅ ᐱᓪᓚᕆᐅᕙ ?

ᖃᐅᔨᓴᕐᑕᐅᓗᑭᖃᑦᑕᓂᖅ ᐃᓪᓕᐊᑉ ᐹᖓᒍᑦ ᐱᓪᓚᕆᐊᓘᕗᖅ ᑌᒣᑦᑐᒥᒃ ᐋᓐᓂᐊᑖᕐᑌᓕᒋᐊᖃᕐᓂᒧᑦ. ᖃᐅᔨᓴᕐᑕᐅᓗᑭᖃᑦᑕᓂᖅ ᖃᐅᔨᔭᐅᑦᓴᐅᑎᒋᓐᓇᒪᑦ ᑲᒡᒍᑎᖕᖑᑐᐃᓐᓇᕆᐊᖃᓕᕐᑐᓂᒃ ᐃᔭᕈᕙᐅᔭᖃᕐᑐᖃᕐᒪᖔᕐᒥ, ᑌᒪ ᐊᒥᓱᕕᒍᓐᓀᓗᓂ ᒪᒥᓴᕐᑕᐅᒍᓐᓇᓯᔪᖃᕐᓂᐊᓕᕋᒥ, ᒪᒥᑉᐸᓕᐊᑦᓴᐅᑎᒋᒍᓐᓇᓯᔪᖃᕐᓗᓂᓗ, ᐊᓐᓇᑎᑕᐅᒍᓐᓇᓯᔪᖃᕐᓱᓂ ᖃᓄᐃᖕᖏᑐᑦᓯᐊᒍᓯᓗᓂ ᐊᑯᓃᕐᑐᒧᑦ.

ᑕᒐᑕᒐ, ᐃᓪᓕᐊᑉ ᐹᖓᒍᑦ ᖃᐅᔨᓴᕐᑕᐅᒍᑎ ᖃᐅᔨᓴᕐᑕᐅᒍᑎᐅᓲᒍᕗᖅ. ᐃᔭᕈᕙᐅᔦᑦ ᑌᒣᑦᓯᐊᖏᑦᑑᒪᖔᑕ ᐃᓪᓕᐊᑉ ᐹᖓᒍᑦ ᖃᐅᔨᒍᑎᐅᓲᒍᑦᓱᓂ, ᑲᒡᒍᑎᑦᓴᖑᓚᐅᕐᑎᓇᒋᑦ. ᐊᕐᕌᒎᒃ ᒪᕐᕈᑕᒫᑦ ᐱᖓᓱᑕᒫᓪᓘᓃᑦ ᖃᐅᔨᓴᕐᑕᐅᖁᔨᓲᒍᒐᓗᐊᑦ ᐋᓐᓂᐊᓯᐅᑏᑦ.

ᖃᐅᔨᓴᕐᑕᐅᕙᖁᔭᐅᔪᑦ ᐅᑯᐊ:

  • 25-ᓂᑦ 65-ᓄᑦ ᐅᑭᐅᓖᑦ;
  • ᐃᓪᓕᐊᓖᑦ;
  • ᐁᑉᐸᖃᓲᑦ.

ᐱᓇᓱᐊᕐᑕᐅᓛᕐᑐᑦ

ᓄᑖᒥᒃ ᑯᐯᒃᒥ ᐱᓇᓱᑦᑕᐅᔪᑦᓴᒥᒃ ᑲᔪᓯᑎᑕᐅᓯᒪᔪᖃᓕᕐᑐᖅ ᐅᖕᖑᑖᕈᑕᐅᒍᓐᓇᑐᒥᒃ ᖁᐱᕐᕈᒥᒃ ᐁᑦᑐᑑᑕᐅᓲᒥᒃ (HPV)  ᐋᓐᓂᐊᖃᕐᑐᖃᕐᒪᖔᑦ ᖃᐅᔨᓴᕐᓂᖅ ᖃᐅᔨᓴᐅᑎᐅᕐᖄᖃᑦᑕᓚᖓᑎᓪᓗᒍ. ᖃᐅᔨᓴᕐᑕᐅᒍᑎ, ᐱᔭᕆᐊᑭᓐᓂᓴᐅᑦᓱᓂ ᓱᑲᓐᓂᓴᐅᑦᓱᓂᓘᕐᑐᖅ, ᐊᕐᕌᒍᐃᑦ ᑕᓪᓕᒪᑕᒫᑦ ᖃᐅᔨᓴᕐᑕᐅᔪᖃᕐᐸᓂᐊᕐᑎᓗᒍ ᖃᐅᔨᓴᕐᑕᐅᒋᐊᓕᓐᓂᒃ. ᑐᑭᓯᒪᐅᑎᑦᓴᓂᒃ ᑕᒪᓐᓇ ᐱᓪᓗᒍ ᑎᑭᑎᑦᓯᕕᐅᒐᔭᕐᑐᓯ ᐊᓯᑦᔨᑐᕐᑕᐅᓯᒪᓕᕐᐸᑕ ᑯᐯᒃᒥ.

ᖃᐅᔨᒋᐊᕐᕕᒋᓗᒍ ᐋᓐᓂᐊᕕᓯ ᖃᐅᔨᓴᕐᑕᐅᒍᒪᓂᕐᒧᑦ ᐅᓪᓗᖁᑎᓕᐅᕐᕕᒋᓗᒋᑦ.