ᑮᓇᐅᔭᖃᕐᑎᑕᐅᓂᖅ ᐃᓕᓐᓂᐊᑎᓄᑦ ᐃᓚᐅᔫᒍᑎᓕᒃᓄᑦ
ᐊᕐᕌᒍᖓᓄᑦ 2024-2025, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᒪᓂᔨᓯᒪᕗᑦ ᑮᓇᐅᔭᑎᒍᑦ ᐃᓕᓐᓂᐊᑎᓂᒃ ᓴᐳᑦᔨᒍᑎᓂᒃ ᐃᑲᔪᕐᓯᒍᑎᒋᑦᓱᒋᑦ ᐃᓚᐅᔪᓂᒃ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᕐᔪᐊᒥᓘᓐᓃᑦ ᐃᓕᓐᓂᐊᑎᓪᓗᒋᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ. ᑖᒃᑯᐊ ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑏᑦ ᐅᓄᕐᓂᖃᕈᓐᓇᑐᑦ ᑎᑭᓪᓗᒋᑦ $5,000-ᓄᑦ, ᒪᓕᓪᓗᒍ ᐃᓕᓐᓂᐊᑎᐅᑉ ᖃᓄᐃᓕᖓᓂᖓ.
ᐃᓕᓐᓂᐊᑎᓂᒃ ᓴᐳᑦᔨᒍᑏᑦ ᐅᓄᕐᓂᖏᑦ
ᐃᓕᓐᓂᐊᑎᐅᑉ ᖃᓄᐃᓕᖓᓂᖓ | ᐳᕐᑐᓂᕐᓴᒋᐊᓪᓚᖅ | ᐃᓕᓐᓂᐊᕕᕐᔪᐊᖅ |
ᐅᓪᓗᓕᒫᖅ | $2,500 | $5,000 |
ᐅᓪᓘᑉ ᐃᓓᓐᓇᖓ | $1,250 | $2,500 |
ᐱᒍᓐᓇᓚᖓᒍᓂ ᒪᓕᑦᑕᐅᒋᐊᓖᑦ
ᐱᒍᓐᓇᓚᖓᒍᑎᒃ ᐃᓕᓐᓂᐊᑎᓂᒃ ᓴᐳᑦᔨᒍᑎᓂᒃ, ᐱᒐᓱᐊᕐᑐᑦ ᐃᓚᐅᔫᒋᐊᓖᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ, ᐃᓕᓐᓂᐊᑎᐅᓗᑎᒃ ᐅᓪᓗᓕᒫᖅ ᐅᕝᕙᓘᓐᓃᑦ ᐅᓪᓘᑉ ᐃᓓᓐᓇᖓᓂ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕕᒻᒥ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ, ᐊᒻᒪᓗ ᐃᓕᓐᓂᐊᓗᑎᒃ ᐃᓕᓐᓂᐊᒐᕐᒥᒃ ᓈᒻᒪᓈᕐᓂᕋᕐᑕᐅᔪᒥᒃ ᐃᓗᓯᓕᕆᓂᕐᒧᑦ ᐊᒻᒪᓗ ᐃᓄᓕᕆᓂᕐᒧᑦ ᓄᓇᕕᒻᒥ.
ᐱᑕᖃᕆᐊᓖᑦ ᐊᓪᓚᖁᑏᑦ
ᐱᑕᖃᕆᐊᓖᑦ ᐊᓪᓚᖁᑏᑦ ᑐᓂᔭᐅᓪᓚᕆᒋᐊᓖᑦ ᓴᐳᑦᔨᒍᑎᒥᒃ ᐱᒐᓱᐊᕐᑐᖅ ᐃᓚᐅᖃᑕᐅᓚᖓᑉᐸᑦ ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑎᖓᓄᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ. ᑖᒃᑯᐊ ᐊᓪᓚᖁᑏᑦ, ᐱᔭᐅᒋᐊᓖᑦ ᓯᕗᓂᖓᒍᑦ ᐅᓪᓘᑉ ᓯᕗᓪᓕᐹᒥ ᐊᑭᓖᓐᓇᐅᑉ ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑎᓂᒃ, ᐃᓚᓖᑦ ᐅᑯᓂᖓ:
- ᖃᕆᑕᐅᔭᒃᑯᑦ ᐊᑦᔨᓕᐊᕕᓂᖅ ᐃᓚᐅᔫᒍᑎᖓᑕ ᐊᑦᔨᖓ (ᓯᕗᕋᖓ ᐊᒻᒪᓗ ᑐᓄᐊ);
- ᐊᓪᓚᑖᕕᓂᖅ ᐊᖏᕐᑕᐅᓂᕐᒧᑦ ᐃᓕᓐᓂᐊᕈᒪᔭᒥᓄᑦ ᐊᒻᒪᓗ ᓇᓗᓀᕐᓯᒍᑎ ᐃᓕᓐᓂᐊᑎᐅᑉ ᖃᓄᐃᓕᖓᓂᖓᓂᒃ;
- ᐊᓪᓚᑖᕐᑎᓯᒍᑎ ᐅᖃᕐᑐᖅ ᓱᒧᑦ ᓂᕈᐊᕐᓂᒪᖔᕐᐱᑦ ᐃᓕᓐᓂᐊᒐᕐᒥᒃ ᓈᒻᒪᓈᕐᑐᒥᒃ ᓄᓇᕕᒻᒥ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ.
ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑎᐅᑉ ᐊᒡᒍᑕᐅᓂᖏᓐᓄᑦ ᒪᓕᑦᑕᐅᒋᐊᓖᑦ
ᓯᕗᓪᓕᐹᖅ ᐊᑭᓕᐅᑎ ᐊᑭᓕᕐᑕᐅᓛᕐᑐᖅ ᐱᔭᐅᑉᐸᑕ ᐃᓕᓐᓂᐊᓂᐅᑉ ᐅᓪᓗᖏᑦᑕ ᐃᓂᓪᓚᑕᐅᒪᓂᖏᑦ ᐊᒻᒪᓗ ᓇᓗᓀᕐᓯᒍᑎ ᐃᓕᓐᓂᐊᑎᐅᑉ ᖃᓄᐃᓕᖓᓂᖓᓂᒃ ᐊᒻᒪᓗ ᐃᓕᓐᓂᐊᑎᐅᓂᖓᓂᒃ. ᑐᖓᓕᐊ ᐊᑭᓕᐅᑎ ᐊᑭᓕᕐᑕᐅᓛᕐᑐᖅ ᐱᔭᐅᑉᐸᑕ ᐃᓕᓐᓂᐊᓂᖓᑕ ᐳᕐᑐᓂᖏᑦ ᓇᓗᓀᕐᓯᔪᑦ ᐃᓕᓐᓂᐊᑎ ᐱᔭᕇᕐᑐᕕᓂᐅᓂᖓᓂᒃ ᒥᑭᓂᕐᐸᐅᑎᓪᓗᒍ 80%-ᖓᓂᒃ ᐃᓕᓐᓂᐊᑕᒥᓂᒃ ᐃᓕᓐᓂᐊᓇᐅᑉ ᐊᕐᕌᒍᖓᓂ.
ᐃᓕᓐᓂᐊᑎᐅᑉ ᖃᓄᐃᓕᖓᓂᖓ ᐊᓯᑦᔨᐸᑦ ᐊᕐᕌᒎᑉ ᐃᓗᐊᓂ, ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑎᐅᑉ ᐅᓄᕐᓂᖓ ᐋᕐᕿᒋᐊᕐᑕᐅᓚᖓᔪᖅ ᖃᓄᐃᓕᖓᓂᖓ ᒪᓕᓪᓗᒍ. ᐃᓕᓐᓂᐊᑎ ᑐᑭᑖᕐᑐᕕᓂᐅᑉᐸᑦ ᐱᔭᕇᓚᖓᖕᖏᓂᕐᒥᓂᒃ ᐃᓕᓐᓂᐊᓂᕐᒥᓂᒃ, ᐊᑭᓕᐅᑎᖓ ᐊᒥᐊᒃᑯᖏᓐᓂᒃ ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑎᐅᑉ ᓄᕐᖃᑎᑕᐅᓚᖓᔪᖅ.
ᐃᓕᓐᓂᐊᕇᕈᑎᑖᕐᑐᑦ
ᐃᓕᓐᓂᐊᕇᕈᑎᑖᕐᑐᑦ ᒪᓂᔨᕕᐅᓚᖓᔪᑦ ᓴᐳᑦᔨᓂᕐᒥᒃ ᕿᓂᕐᑎᓗᒋᑦ ᐱᓇᓱᒐᕐᒥᒃ ᐅᕝᕙᓘᓐᓃᑦ ᐱᓇᓱᑦᑎᐅᒋᐅᕐᓴᓂᕐᒥᒃ ᓄᓇᕕᒻᒥ ᐃᓗᓯᓕᕆᓂᕐᒥ ᐃᓄᓕᕆᓂᕐᒥᓗ.
* ᐊᒥᓲᓗᐊᑐᐊᕐᐸᑕ ᐱᒐᓱᐊᕐᑐᑦ, ᐃᓕᓐᓂᐊᑎᓂᒃ ᑮᓇᐅᔭᑎᒍᑦ ᓴᐳᑦᔨᒍᑏᑦ ᐁᑦᑑᑎᐅᖃᑦᑕᓚᖓᔪᑦ ᐊᑎᕐᓂᒃ ᐊᒧᓯᓂᒃᑯᑦ.
ᑐᕐᖃᑐᐃᔨᐅᑉ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐸᕐᓇᓯᒪᐅᑎᖓ ᑮᓇᐅᔭᖃᕐᑎᓯᓂᕐᒧᑦ
ᑐᕐᖃᑐᐃᔨᒃᑯᑦ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᑮᓇᐅᔭᖃᕐᑎᓯᒍᓐᓇᑐᑦ ᐃᓄᓕᒫᓄᑦ ᐱᒋᐅᕐᓴᑐᓄᑦ ᐱᓇᓱᒐᕐᑖᑎᑦᓯᒍᓐᓇᓛᕐᑐᒥᒃ ᐱᓇᓱᒐᒻᒪᕆᒻᒥᒃ ᐊᒻᒪᓗ ᐱᔪᓐᓇᐅᑎᖃᑦᓯᐊᕆᐊᓕᒻᒥᒃ ᐊᐱᕐᓲᑏᑦ ᑮᓇᐅᔭᖃᕐᑎᑕᐅᒍᓐᓇᒪᖔᑕ ᐊᑑᑎᔭᐅᑦᓯᐊᖃᑦᑕᑐᑦ ᐃᓚᖏᓐᓂᒃ ᑯᐯᒃ ᓄᓇᓕᓕᒫᖏᓐᓂ. ᑖᒃᑯᐊ ᑮᓇᐅᔦᑦ ᐱᔪᓐᓇᑎᑕᐅᔪᑦ ᐱᓇᓱᑦᑎᑖᕋᓱᐊᕐᓂᒧᑦ ᐱᔪᓐᓇᐅᑎᖃᑦᓯᐊᑐᓂᒃ ᐊᒻᒪᓗ ᐱᓇᓱᑦᑎᓂᒃ ᐊᑯᓂᒧᑦ ᐱᓇᓱᑦᑎᖃᕋᓱᐊᕐᓂᒧᑦ ᐃᓚᖏᓐᓄᑦ ᐱᓇᓱᒐᕐᓄᑦ ᑭᖕᖒᒪᑦᓯᓂᕐᓴᐅᔪᓄᓗᐊᖕᖑᐊᑦ ᐱᓇᓱᑦᑎᓂᒃ ᐱᔪᓐᓇᐅᑎᖃᑦᓯᐊᑐᓂᒃ.
ᓄᓇᕕᐅᑉ ᓄᓇᓕᓕᒫᖓᓂ, ᖃᓄᐃᑦᑐᑐᐃᓐᓀᑦ ᐃᓕᓐᓂᐊᕋᑦᓭᑦ ᐱᒋᐅᕐᓴᐅᑏᓪᓗ ᐱᒻᒪᕆᐅᑎᑕᐅᔪᑦ ᐱᓇᓱᒐᕐᓄᑦ ᐃᑉᐱᒍᓱᑦᓯᐊᕋᓱᐊᕐᓂᒧᑦ ᐃᓄᐃᑦ ᐱᒍᑦᔭᐅᓯᐊᖏᓐᓇᓕᒫᕋᓗᐊᕐᒪᖔᑕ ᐱᒍᑦᔨᒍᑎᑦᓯᐊᓂᒃ ᖃᓄᐃᖕᖏᓯᐊᕐᓂᒨᓕᖓᔪᓂᒃ. ᐅᑯᐊ ᐱᓇᓱᒉᑦ ᐱᒻᒪᕆᐅᑦᓯᐊᑐᑦ ᑎᑭᐅᑎᒐᓱᐊᕐᓂᒧᑦ ᓄᓇᕕᒻᒥᐅᑦ ᑭᖕᖒᒪᒋᔭᖏᓐᓂᒃ ᐱᒍᑦᔨᒍᑎᓂᒃ ᐃᓗᓯᓕᕆᓂᕐᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ ᑭᖕᖒᒪᒋᓪᓗᑯᐊᐱᒍᓐᓇᑕᖏᑦ:
- ᐋᓐᓂᐊᓯᐅᑎᓂᒃ ᐄᕐᖃᕋᓕᕆᔨ
- ᐃᑲᔪᕐᑎ ᓴᓗᒻᒪᓭᑦᓯᐊᓂᕐᒧᑦ ᐱᐅᒃᑯᑎᓂᒃ ᐋᓐᓂᐊᓯᐅᕐᓂᒨᓕᖓᔪᓂᒃ
- ᐱᒋᐅᕐᓴᓯᒪᔪᖅ ᐋᓐᓂᐊᓯᐅᑎᓕᕆᓂᕐᒥᒃ
- ᑕᕐᖃᑐᐃᔨ ᐋᓐᓂᐊᓯᐅᕐᓂᒧᑦ ᐊᒻᒪᓗ ᖃᐅᔨᓴᕐᕕᒥ ᖃᐅᔨᒋᐊᕐᑎ ᑎᒥᐅᑉ ᑐᓴᕋᑦᓴᖏᓐᓂᒃ ᑐᓴᕐᑕᐅᒋᐊᓕᓐᓂᒃ ᐋᓐᓂᐊᓯᐅᕐᓂᒧᑦ
- ᐃᓱᒪᓕᕆᔨ, ᐃᓕᓐᓂᐊᑏᑦ ᑲᑐᑦᔨᖃᑎᒌᓪᓗᑎᑦ
- ᐃᓱᒪᓕᕆᔨ, ᐱᓇᓱᑦᑎᒪᕇᑦ ᑲᑐᑦᔨᖃᑎᒌᓪᓗᑎᑦ
- ᐃᓱᒪᓕᕆᔨ, ᐱᒋᐅᕐᓴᓗᓂ
- ᑖᑎᑦᓯᔨ
ᑮᓇᐅᔭᖃᕐᑎᑕᐅᓂᖅ ᐃᓕᓐᓂᐊᑎᓄᑦ ᐱᓇᓱᒐᕐᑖᑐᓄᑦ ᓄᓇᓕᓐᓂ ᐅᖓᓯᑦᑐᒦᑦᑐᓂ
ᓄᓇᕕᒻᒥ ᐊᒻᒪᓗ ᐃᓚᖏᓐᓂ ᑯᐯᒃ ᓄᓇᓕᓕᒫᖏᓐᓂ ᐊᑦᓱᕈᕐᓇᑐᑦᑰᑐᑦ ᐱᓇᓱᑦᑎᑖᕐᓂᒥᒃ ᐱᓇᓱᑦᑎᒪᕆᓐᓂᒃ ᐱᒋᐅᕐᓴᓯᒪᑦᓯᐊᑐᓂᓪᓗ ᑎᒥᖏᓐᓂ ᐱᒍᑦᔨᓲᓂᒃ ᐱᒍᑦᔨᒍᑎᓂᒃ ᐃᓗᓯᓕᕆᓂᕐᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ.
ᐱᕙᓪᓕᖁᑎᑖᕐᑎᓯᒐᓱᐊᕐᓂᒧᑦ ᐱᓇᓱᒐᕐᑖᑐᓄᑦ ᐱᔪᓐᓇᐅᑎᖃᑦᓯᐊᑐᓄᑦ ᐊᒻᒪᓗ ᐱᓇᓱᑦᑎᓭᓐᓇᓂᒃ ᐱᔪᓐᓇᐅᑎᖃᑦᓯᐊᑐᓂᒃ ᓯᕕᑐᔪᒧᑦ ᐱᓇᓱᑦᑎᒋᒐᓱᐊᕐᓗᒋᑦ, ᑐᕐᖃᑕᕐᕕᑯᑦ ᐱᒍᑦᔨᔩᑦ ᐃᓗᓯᓕᕆᓂᕐᒨᓕᖓᔪᓂᒃ ᐃᓄᓕᕆᓂᕐᒨᓕᖓᔪᓂᓪᓗ ᑮᓇᐅᔭᖃᕐᑎᓯᓲᖑᒻᒥᔪᑦ ᐃᓕᓐᓂᐊᑎᓄᑦ ᐃᓕᓐᓂᐊᑐᓄᑦ ᐃᓕᓐᓂᐊᒐᑦᓴᓂᒃ ᐅᑯᓂᖓ ᐱᓇᓱᒐᕐᑖᑎᑦᓯᒍᓐᓇᑐᓂᒃ:
- ᐃᓄᓕᕆᔨ
- ᐃᓱᒪᓕᕆᔨ
- ᐃᓱᒪᓕᕆᔨ ᑐᓴᕐᑎᓯᒍᓐᓇᑐᖅ ᑐᓴᕋᑦᓴᓂᒃ ᐃᑲᔪᕈᓐᓇᑐᓂᒃ
- ᐱᓇᓱᑦᑎᒪᕆ ᐃᓕᓐᓂᐊᓯᒪᔪᖅ ᐃᓕᓐᓂᐊᕋᑦᓴᓂᒃ ᐱᓂᕐᓗᑐᕕᓂᕐᓅᓕᖓᔪᓂᒃ
- ᐱᓇᓱᑦᑎᒪᕆ ᐃᓕᓐᓂᐊᓯᒪᔪᖅ ᐃᓕᓐᓂᐊᕋᑦᓴᓂᒃ ᓄᓕᐊᕐᓂᒨᓕᖓᔪᓂᒃ
- ᐱᒍᑦᔨᔨ ᐱᓇᓱᑦᑎᓄᑦ
- ᐃᓱᒪᓕᕆᔨ ᒪᒥᓴᕐᑎᓯᒐᓱᐊᕐᓂᒧᑦ
- ᒪᒥᓴᕐᑎᓯᔨ ᑎᒥᒻᒥᑎᒍᑦ
- ᓯᐅᑎᓕᕆᔨ
- ᐃᑲᔪᕐᑎᒪᕆ ᐅᖄᕆᐅᕐᓴᓂᕐᒧᑦ
- ᖃᐅᔨᓴᕐᑎ ᐋᓐᓂᐊᓯᐅᕐᓂᒧᑦ ᑎᒥᐅᑉ ᑐᓴᕋᑦᓴᖏᓐᓂᒃ
- ᐋᓐᓂᐊᓯᐅᕐᑎ ᐱᔪᓐᓇᐅᑎᓕᑦᓯᐊᖅ
ᐊᐱᕐᓲᑎᑦᓴᖃᕐᖀᑦ?
ᑐᑭᓯᒋᐊᑦᓯᐊᕈᒪᐅᑎᓕᒫᑦ ᐊᐅᓪᓚᑎᑕᐅᒋᐊᓖᑦ ᐅᕗᖓ: drh.formation-training.rr17@ssss.gouv.qc.ca