ᐊᑐᐃᓐᓇᐅᑎᑕᐅᓂᖏᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐃᑲᔪᕐᓯᒍᑏᑦ

(ᑌᔭᐅᓂᖃᖃᑦᑕᓯᒪᔪᖅ: ᐃᒻᒥᓂᕿᑦᓯᐊᖃᔭᖕᖏᑐᑦ ᑲᒪᒋᔭᐅᒍᑎᑦᓴᖏᑦᑕ ᐊᑐᐃᓐᓇᐅᑎᑕᐅᓂᖏᑦ)

ᓱᓇᐅᕙᑦ ᐊᑐᐃᓐᓇᐅᑎᑕᐅᓂᖏᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ ?

ᐊᑐᐃᓐᓇᐅᑎᑕᐅᓂᖏᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐃᑲᔪᕐᓯᒍᑏᑦ APSC ᓄᓇᓕᓕᒫᓂ ᐊᕐᖁᑎᑦᓴᐅᕗᑦ ᐊᓇᕐᕋᓯᒪᔪᓂᒃ ᑕᙯᕐᓯᑫᓐᓇᕆᐊᓕᓐᓂᓗ ᓴᐳᑦᔨᒍᑎᐅᑦᓱᑎᒃ ᓄᓇᕕᒻᒥᐅᓂᒃ ᐃᒻᒥᓂᕿᕐᖃᔦᕐᓯᒪᔪᓂᒃ ᐱᐅᓯᕆᓕᕐᓱᒍᓘᓐᓃᑦ ᐃᒻᒥᓂᕿᕐᖃᔦᕐᓯᒪᔪᓂᒃ, ᑲᒪᔨᖏᓐᓂᓗ.

ᐊᑐᐃᓐᓇᐅᑎᑕᐅᓂᖏᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ ᐊᐅᓚᑕᐅᕗᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ (NRBHSS) ᐱᓇᓱᖃᑎᖃᑦᓯᐊᒥᑦᓱᑎᒃ ᓄᓇᓕᒻᒥ ᐋᓐᓂᐊᕕᓐᓂᒃ, ᑲᒪᔨᐅᓲᓂᒃ, ᓄᓇᓕᒥᓪᓗ ᐱᓇᓱᖃᑎᒋᔭᐅᓲᓂᒃ ᐃᓚᒌᑦ ᑐᓴᐅᒪᑦᓯᐊᖁᒧᑦ ᐃᑲᔪᕐᑕᐅᕕᑦᓴᓯᐊᓂᒃ ᓴᐳᑦᔨᒍᓐᓇᑐᓂᓪᓗ.

ᑕᒪᓐᓇ ᑭᓇᒃᑯᓅᓕᖓᕙ ?

ᐊᑐᐃᓐᓇᐅᑎᑕᐅᓂᖏᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ ᓴᐳᑦᔨᒍᑎᐅᕗᖅ:

  • ᐃᓄᒻᒪᕆᓐᓂᒃ ᑲᒃᑲᓛᓂᓪᓘᓃᑦ, ᐱᐊᕋᕐᓂᓘᓐᓃᑦ ᐃᒻᒥᓂᕿᕐᖃᔭᑦᓯᐊᖏᑦᑐᓂᒃ (ᐆᑦᑐᕋᐅᑎᒃᑲ ᑎᒥᒃᑯᑦ ᐱᕐᖃᔭᑦᓯᐊᖏᑦᑐᑦ, ᐃᓱᒪᒃᑯᑦ ᐃᑲᔪᕐᑕᐅᒋᐊᓖᑦ, ᖃᓄᐃᒍᑎᓖᑦ autism spectrum disorder-ᓚᔭᐅᔪᒥᒃ, ᐃᓱᒣᕐᓯᕙᓪᓕᐊᔪᑦ, ᓂᐊᕐᖁᐊᓯᒪᔪᑦ)
  • ᑲᒪᔨᐅᓲᓂᒃ (ᕿᑐᕐᖓᓖᑦ, ᐃᓚᒋᔭᐅᔪᑦ, ᓇᓪᓕᒋᔭᓖᑦ)
  • ᐱᓇᓱᕝᕕᓂᒃ ᑲᒪᔨᐅᓲᓂᓪᓗ ᐱᓇᓱᑦᑎᑖᕆᔭᐅᓯᒪᔪᓂᒃ ᐊᓇᕐᕋᓯᒣᓐᓇᓱᑎᒃ ᐃᒻᒥᓂᕿᕐᖃᔭᖕᖏᓂᕐᒧᑦ ᑮᓇᐅᑦᔭᕈᑎᒋᓲᖏᓐᓂᒃ ᑮᓇᐅᑦᔭᕈᑕᐅᓲᑎᒍᑦ
  • ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑎᓕᕆᓂᕐᒧᑦ ᐱᓇᓱᑦᑎᓂᒃ ᕿᒥᕐᕈᓂᕐᒥᒃ ᑲᒪᒋᐊᖃᕐᓂᒥᓪᓗ ᐸᕐᓀᕈᑎᖃᓲᓂᒃ

ᐃᑲᔪᕐᓯᒍᑎᑕᖏᑦ ᐊᑐᐃᓐᓇᐅᑎᑕᐅᔪᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ

ᐊᑐᐃᓐᓇᐅᑎᑕᐅᔪᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ ᐊᒥᓱᓂᒃ ᐃᑲᔪᕐᓯᒍᑎᑕᖃᕐᐳᑦ ᓴᐳᑦᔨᒋᐊᓪᓚᕈᑎᑦᓴᓂᒃ ᑲᒪᔩᓪᓗ ᑕᙯᕐᓯᑫᓐᓇᖃᑦᑕᓂᕐᓴᐅᖁᒧᑦ:

ᐊᓇᕐᕋᓯᒣᓐᓇᑐᓄᑦ ᐃᒻᒥᓂᕿᕐᖃᔭᖕᖏᓂᕐᒧᑦ ᑮᓇᐅᑦᔭᕈᑕᐅᓲᑦ

 (ᑌᔭᐅᖃᑦᑕᓯᒪᔪᑦ ᑐᕃᓐᓇᑐᒃᑯᑦ ᑮᓇᐅᑦᔭᕈᑏᑦ).

ᓇᓪᓕᐊ ᐃᒻᒥᓂᕿᕐᖃᔭᑦᓯᐊᖏᑦᑐᖅ ᐱᓇᓱᑦᑎᑖᕈᓐᓇᕕᖃᕐᑐᖅ ᓇᓪᓕᑳᕐᓯᒪᔭᒥᓂᒃ ᐊᓇᕐᕋᓯᒪᓗᓂ ᐃᑲᔪᕐᑎᓴᒥᓂᒃ. ᑖᓐᓇ ᐊᓇᕐᕋᓯᒪᑦᓱᓂ ᑲᒪᒋᔭᐅᔪᖅ, ᐱᓇᓱᑦᑎᖃᕐᓂᕋᕐᑕᐅᓯᑎᓪᓗᒍ, ᐱᓇᓱᒍᑎᑎᒍᑦ ᐊᑭᓕᕐᑐᑕᐅᓚᖓᔪᒥᒃ, ᑮᓇᐅᑦᔭᓵᖏᑦ ᐊᐅᓚᑕᐅᓚᖓᑎᓪᓗᒋᑦ, ᐱᓇᓱᑦᑎᐅᓂᕐᒥᓄᓪᓗ ᓴᐳᒻᒥᔨᖃᓚᖓᓗᓂ.

ᑕᙯᕐᓯᑫᓐᓇᕈᓐᓇᓂᕐᒧᑦ ᑮᓇᐅᑦᔭᕈᑕᐅᓲᑦ (ᐱᕐᖃᔭᑦᓯᐊᖏᑦᑐᒥᒃ ᑲᒪᔨ / ASD)

ᑲᒪᔩᑦ ᐊᕐᕌᒍᕐᒥ ᓯᑕᒪᕕᓪᓗᑎᒃ ᑮᓇᐅᑦᔭᕈᓐᓇᖃᑦᑕᓂᐊᕐᑎᓗᒋᑦ ᑕᙯᕐᓯᑫᓐᓇᓂᕐᒥᓂᒃ ᐃᓇᖏᕐᑎᓴᒥᓂᒃ ᐊᑭᓖᒍᑎᑦᓴᒥᓂᒃ ᑲᒪᒋᐊᖃᓲᒍᒍᑎᒃ ᐃᒻᒥᓂᕿᕐᖃᔭᑦᓯᐊᖏᑦᑐᒥᒃ ᐅᕝᕙᓘᓐᓃᑦ ᖃᓄᐃᒍᑎᓕᒻᒥᒃ autism spectrum disorder-ᓚᔭᐅᔪᒥᒃ.

Lilly’s Fund -ᓚᔭᐅᔪᖅ (ᒪᑭᕝᕕᑯᑎᒍᑦ)

ᑮᓇᐅᑦᔭᕆᐊᓪᓚᕈᑎᐅᒍᓐᓇᑐᖅ ᐃᓄᒻᒪᕆᓐᓄᑦ ᑲᒃᑲᓛᓄᓪᓘᓃᑦ, ᐱᐊᕋᕐᓄᓘᓐᓃᑦ ᑎᒥᒃᑯᑦ ᐃᒻᒥᓂᕿᕐᖃᔦᕐᓯᒪᓪᓚᕆᑦᑐᓂᒃ ᐃᓱᒪᒃᑯᓘᓐᓃᑦ ᐃᑲᔪᕐᓯᔭᐅᒋᐊᓕᓐᓂᒃ, ᑲᒪᔨᙯᓐᓇᓯᐊᖁᒧᑦ ᐃᓚᖏᓪᓗ ᓴᐳᑦᔭᐅᓭᓐᓇᖁᒧᑦ.

ᑕᙯᕐᓯᑫᓐᓇᖃᑦᑕᕆᐊᖃᕐᓂᒧᑦ ᐱᒍᑦᔨᐅᑏᑦ

ᑖᒃᑯᐊ ᐱᒍᑦᔨᐅᑏᑦ ᐃᑲᔪᕐᓯᔪᑦ ᑲᒪᔨᐅᓲᓂᒃ ᑕᙯᕐᓯᑫᓐᓇᖃᑦᑕᕈᓐᓇᓂᐊᕐᑎᓗᒋᑦ ᐊᑦᑕᓀᑦᑐᒦᑦᓯᐊᑎᓪᓗᒋᑦ ᓇᓪᓕᒋᔭᖏᑦ.

ᒪᑯᐊᑕᒐ ᐱᒍᑦᔨᐅᑎᐅᒍᓐᓇᑐᑦ:

  • ᐅᓐᓄᐊᒥ ᑲᒪᔨᐅᑫᓐᓇᓚᖓᔪᖅ
  • ᓯᓂᑦᑕᓗᓂ ᑲᒪᔨᐅᑫᓐᓇᓚᖓᔪᖅ
  • ᐊᑐᕐᑎ ᓇᓃᑦᑎᑕᐅᑫᓐᓇᓚᖓᔪᖅ ᓯᓂᑦᑕᕆᐊᕐᓯᒪᓗᓂᓘᓐᓃᑦ

ᐊᓇᕐᕋᓯᒣᓐᓇᓱᑎᒃ ᐃᒻᒥᓂᕿᕐᖃᔭᖕᖏᓂᕐᒧᑦ ᑮᓇᐅᑦᔭᕈᑎᒋᓲᖏᓐᓂᒃ ᑮᓇᐅᑦᔭᕈᑎᖃᓲᑦ

ᐊᓇᕐᕋᓯᒣᓐᓇᓱᑎᒃ ᐃᒻᒥᓂᕿᕐᖃᔭᖕᖏᓂᕐᒧᑦ ᑮᓇᐅᑦᔭᕈᑎᒋᓲᖏᑎᒍᑦ ᓄᓇᕕᒻᒥᐅᑦ ᐃᑲᔪᕐᓯᔭᐅᒍᓐᓇᐳᑦ ᐊᓯᒥᓄᑦ ᑕᑎᒋᔭᒥᓄᑦ, ᑲᒪᔩᑦ ᑮᓇᐅᑦᔭᓯᐊᖃᑦᑕᑎᓪᓗᒋᑦ ᓴᐳᑦᔭᐅᓯᐊᕐᑎᓗᒋᓪᓗ.

ᑲᒪᔩᑦ ᖃᐅᔨᒪᒋᐊᓕᖏᑦ:

  • ᐃᑲᐅᕐᓂᑕᒫᑦ, ᑫᕙᓪᓚᒍᓯᑕᒫᑦ ᑮᓇᐅᑦᔭᓴᕐᓗᑎᒃ: $30/ᐃᑲᐅᕐᓂᑕᒫᑦ, ᑫᕙᓪᓚᒍᓯᑕᒫᑦ (ᐱᐅᓯᑐᐃᓐᓇᐅᑎᓪᓗᒍ ᐃᓚᖕᖓᑕᐅᒋᐊᖃᓲᑦ)
  • ᐊᑭᓕᕐᑕᐅᕙᓪᓗᑎᒃ ᐱᓇᓱᐊᕈᓰᒃ ᒪᕐᕈᑕᒫᑦ ᑐᕃᓐᓇᑐᒃᑯᑦ ᑮᓇᐅᔭᒃᑯᕕᒻᒥᓅᕐᑕᐅᖃᑦᑕᑎᓪᓗᒋᑦ
  • ᑮᓇᐅᑦᔭᓵᖏᑦ ᐊᐅᓚᑕᐅᑎᓪᓗᒋᑦ ᑮᓇᐅᔭᒃᑯᕕᒻᒧᑦ  Desjardins HR Solutions,  ᐃᑲᔪᕐᓯᒪᑎᓪᓗᒋᑦ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ
  • ᐃᑲᐅᕐᓂᓕᐊᖏᑦ ᐊᓯᑦᔨᑕᕈᓐᓇᑎᓪᓗᒋᑦ ᐊᖏᖃᑎᒋᓯᒪᓗᒍ ᐱᓇᓱᑦᑎᑖᕐᓯᒪᔪᖅ
  • CNESST coverage-ᑯᓄᑦ ᐊᑭᓕᕐᑐᑕᐅᒐᔭᕐᓗᓂ ᐱᓇᓱᓪᓗᓂ ᐊᕐᖁᓇᕐᓂᕈᓂ
  • ᐱᓇᓱᑦᑎᑖᒍᓯᒪᔪᖅ ᐱᓇᓱᖃᑎᖃᕐᓂᐊᑎᓪᓗᒍ ᐱᓇᓱᑦᑎᑖᕐᓯᒪᔪᒥᒃ, ᐋᓐᓂᐊᕕᒻᒥᐅᖏᑦᑐᖅ

ᓯᕗᓪᓕᐹᑦ ᐊᑭᓕᕐᑕᐅᒍᑏᑦ ᓯᑕᒪᓂᒃ ᐱᓇᓱᐊᕈᓯᕐᑐᑐᐃᓐᓇᕆᐊᓖᑦ, ᐊᓪᓚᓯᒪᔪᑦ ᓱᓇᒥᑦᓯᐊᕆᐊᖃᕐᒪᑕ ᐊᑭᓕᕐᑐᑕᐅᒍᑎᑦᓭᑦ ᐱᒋᐊᕐᑎᑕᐅᓚᐅᕐᑎᓇᒋᑦ.

ᐊᑐᕐᑕᐅᓂᖏᑦ Facebook Page & Messenger

Facebook Page,  Messenger-ᓗ ᐊᑐᕐᑕᐅᓲᑦ ᐱᓇᓱᑦᑎᑖᕐᓯᒪᔪᓄᑦ ᑲᒪᔨᓄᓪᓗ ᐊᓇᕐᕋᓯᒣᓐᓇᓱᑎᒃ ᐃᒻᒥᓂᕿᕐᖃᔭᖕᖏᓂᕐᒧᑦ ᑮᓇᐅᑦᔭᕈᑎᒋᓲᖏᑎᒍᑦ ᐱᓇᓱᐊᕐᑐᓄᑦ ᐃᒣᓘᕆᐊᖃᕐᓱᑎᒃ:

  • ᑲᐅᕐᓂᓕᐊᒥᓂᒃ, ᑫᕙᓪᓚᒍᓯᓕᐊᒥᓂᒃ ᑐᕃᓐᓇᑐᒃᑯᑦ ᑮᓇᐅᑦᔭᓵᓕᕆᕕᒻᒨᕆᖃᑦᑕᓗᑎᒃ
  • ᐊᐱᕐᓱᖃᑦᑕᓗᑎᒃ ᑮᓇᐅᑦᔭᓂᕐᒨᓕᖓᔪᓂᒃ ᐃᑲᐅᕐᓂᓕᐅᕈᓯᕐᓅᓕᖓᔪᓂᓪᓗ
  • ᑐᓴᐅᒪᖃᑎᖃᑦᓯᐊᖃᑦᑕᓗᑎᒃ ᐊᑐᐃᓐᓇᐅᑎᑕᐅᔪᓂᒃ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑎᓕᕆᓂᕐᒥᒃ ᐊᐅᓚᑦᓯᔨᓂᒃ

ᖃᓄᖅ ᕿᓄᒍᑎᓕᐅᕈᓐᓇᑐᖃᕐᒪᖔᑦ ᐃᑲᔪᕐᑕᐅᒍᓐᓇᑐᖃᕐᒪᖔᓪᓘᓃᑦ

ᕿᒥᕐᕈᔭᐅᖁᔨᒍᑎᓂᒃ ᕿᓄᒍᑎᓕᐊᒍᓯᒪᔪᓂᓪᓗ ᐱᔭᕇᕐᓯᒪᒋᐊᖃᓲᑦ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐱᒍᑦᔨᐅᑎᓕᕆᓂᕐᒥᒃ ᐱᓇᓱᑦᑏᑦ ᑲᑐᑦᔨᖃᑎᖃᕐᓱᑎᒃ ᐃᓚᒌᓂᒃ ᑲᒪᔨᓂᓪᓗ. ᕿᓄᒍᑎᓕᐊᒍᓯᒪᔪᑦ ᕿᒥᕐᕈᔭᐅᓂᐊᓕᕐᒪᑕ ᐊᑐᐃᓐᓇᐅᑎᑕᐅᓂᖏᓐᓄᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑎᓕᕆᓂᕐᒥᒃ ᐱᓇᓱᐊᕐᑐᓄᑦ ᓇᓗᓀᕐᓯᓂᐊᕐᓗᑎᒃ ᐊᓱᐃᓛᒃ ᐃᑲᔪᕐᑕᐅᒋᐊᖃᕐᑐᖃᕐᒪᖔᑦ, ᖃᓄᓪᓗᐊᑎᒋᓗ ᐊᑯᓃᕐᑐᒥᒃ ᐃᑲᔪᕐᓯᒪᔭᐅᔪᖃᕆᐊᖃᕐᒪᖔᑦ, ᐊᒻᒪᓗ ᓈᒻᒪᓈᕐᒪᖔᑕ ᐱᓇᓱᒍᑏᑦ ᐊᒥᓲᓚᖓᑉᐸᑕ.

ᐊᑐᐃᓐᓇᐅᑎᑕᐅᓂᖏᓐᓄᑦ ᑲᒪᒋᔭᐅᑦᓯᐊᕆᐊᓕᓐᓂᒃ ᐱᓇᓱᒍᑏᑦ ᐱᓪᓗᒋᑦ ᖃᐅᔨᒋᐊᕐᕕᓴᖅ

Access.specialcareprograms.nunavik@ssss.gouv.qc.ca