ᓄᓇᕕᒻᒥ ᐃᓗᓯᓕᕆᔨᒃᑯᑦ ᐸᕐᓀᓂᕐᓄᑦ ᐱᔭᑦᓴᓕᕆᓂᕐᓄᓗ ᐊᓪᓚᕕᖓ ᑲᒪᒋᔭᖃᕐᑐᖅ ᖁᕝᕙᑎᑦᓯᒍᑎᓂᒃ ᐃᓄᑐᙯᑦ ᖃᓄᐃᖕᖏᓯᐊᕈᑎᑦᓴᖏᓐᓂᒃ ᐱᓗᑲᑦᑌᓕᒍᑎᑦᓴᖏᓐᓂᓗ ᐱᓗᑲᑦᑕᐅᓂᕐᒧᑦ ᐊᒻᒪᓗ ᐃᓄᒻᒪᕆᐅᓗᐊᖕᖑᐊᑐᑦ ᐊᑦᑕᓇᕐᑐᒦᑦᑎᑕᐅᑦᑌᓕᒍᑎᑦᓴᖏᓐᓂᒃ.
ᑖᓐᓇ ᐃᓚᒋᔭᐅᕗᖅ ᐃᓄᐃᑦ ᐱᒍᓐᓇᑐᑦ ᓴᐳᒻᒥᒍᓐᓇᓂᕐᒥᓂᒃ ᐃᒻᒥᓂᒃ ᐅᕝᕙᓘᓐᓃᑦ ᐃᑲᔪᕐᑕᐅᒍᒪᒍᓐᓇᓂᕐᒥᓂᒃ ᐊᑯᓃᕈᓐᓀᑎᑕᐅᑐᐃᓐᓇᕆᐊᓖᑦ ᐱᑦᔪᑎᒋᑦᓱᒋᑦ, ᐃᓚᒋᔭᐅᑎᓪᓗᒋᑦ ᐃᓚᖏᑦ ᐱᕐᖃᔭᑦᓯᐊᖏᑦᑐᑦ ᐅᕝᕙᓘᓐᓃᑦ ᐱᓇᓱᐊᕈᓐᓇᓂᕐᒥᓂᒃ ᐊᑯᓃᕐᑎᑕᐅᓯᒪᔪᑦ.
ᐸᕐᓇᑎᒪᓂᖅ ᐱᔭᑦᓴᓕᕆᓂᕐᓗ ᐊᑐᕐᑏᑦ ᐱᓇᓱᐊᖃᑎᖃᓲᑦ ᓄᓇᓕᓐᓂᒃ, ᓄᓇᓕᐅᑉ ᑎᒥᖁᑎᖏᓐᓂᒃ ᐱᓇᓱᐊᖃᑎᒋᑦᓱᒋᓪᓗ ᓄᓇᕕᓕᒫᒥ ᖃᐅᔨᒪᔭᐅᑎᑦᓯᒍᑎᖃᕈᒪᑦᓱᑎᒃ ᐊᕙᑎᓂᒃ ᐃᓘᓐᓀᓄᑦ ᐃᑉᐱᒍᓱᓚᕿᑎᑦᓯᔪᓂᒃ ᓲᓱᒋᔭᐅᓂᕐᒧᑦ, ᐃᓚᐅᑎᑕᐅᓂᕐᒧᑦ ᐊᒻᒪᓗ ᓴᐳᑦᔭᐅᓂᕐᒧᑦ ᐃᓅᓯᕐᒥᓂ ᓇᒻᒥᓂᖅ ᑐᑭᑖᕈᑎᖏᓐᓂᒃ.
ᑕᒪᓐᓇ ᐱᓇᓱᐊᕐᑕᖅ ᐃᓚᒋᔭᐅᒻᒥᔪᖅ ᑯᐯᒃᒥ ᐱᖁᔭᐅᑉ ᑐᕌᖓᓂᕆᔭᖓᓄᑦ ᓵᖕᖓᓯᑎᑦᓯᒍᑎᓄᑦ ᐱᓗᑲᓐᓂᓂᒃ ᐃᓄᑐᙯᑦ ᐊᓯᖏᓪᓗ ᐃᓄᒻᒪᕇᑦ ᐊᑦᑕᓇᕐᑐᒦᑦᑎᓯᑦᓱᑎᒃ, ᐱᖁᔭᖅ, ᐊᓯᖏᓐᓂᒃ ᐱᑦᔪᑎᖃᕐᓱᓂ, ᐋᕐᕿᓱᐃᓯᒪᒻᒥᔪᖅ ᐱᖁᔭᑎᒍᑦ ᑐᖕᖓᕕᐅᒍᓐᓇᑐᓂᒃ ᓯᕗᕐᖐᓯᒪᒐᓱᐊᕈᑎᓄᑦ, ᖃᐅᔨᔭᐅᑎᑦᓯᒍᑎᓄᑦ, ᖃᐅᔨᓴᕐᓂᓄᑦ ᐊᒻ
ᐱᖁᔭᑉ ᓯᕿᓂᖏᑦ : https://www.legisquebec.gouv.qc.ca/en/document/cs/l-6.3
ᐊᑐᕐᓗᒍ ᖃᐅᔨᓴᐅᑎ
ᐱᒍᑦᔨᕗᑦ ᐅᑉᐱᕆᔭᖃᓲᖑᕘᑦ ᑭᓇᑐᐃᓐᓇᓯᐊᑎᒃ ᐱᑦᓯᐊᑕᐅᒋᐊᖃᕐᓂᖏᓐᓂᒃ ᓲᓱᒋᔭᐅᓗᑎᒃ ᓲᓱᒋᔭᐅᑦᓯᐊᓗᑎᓪᓗ.
ᐊᑭᒋᔭᐅᖃᑦᑕᑐᓂᒃ ᐱᓇᓱᐊᕈᑎᖃᕆᐊᖃᕐᓂᖅ ᑐᑭᖃᕐᑐᖅ ᓈᓚᓪᓗᒋᑦ ᐃᓄᐃᑦ, ᓲᓱᑦᓴᓗᒋᑦ ᓇᒻᒥᓂᖁᑎᒋᒍᒪᔭᖏᑦ ᐱᔪᓐᓇᐅᑎᖏᓪᓗ, ᓴᐳᑦᔨᓯᒪᓗᒋᑦ ᐃᒻᒥᓂᕿᒍᓐᓇᓂᖏᑦ ᐊᒻᒪᓗ ᓱᕐᖁᐃᓯᓗᒋᑦ ᐱᕕᑦᓴᖃᑦᓯᐊᕆᐊᖃᕐᓂᖏᑦ ᐃᑲᔪᕐᑕᐅᒍᒪᒍᑎᒋᒋᐊᓕᒻᒥᓂᒃ.
ᐱᓇᓱᒍᑎᕗᑦ ᑐᖕᖓᕕᓕᒃ ᐃᓅᔪᑦ ᖃᓄᐃᓘᕈᑎᖏᓐᓂᒃ ᐊᐅᓚᑦᓯᓂᕆᒋᐊᓕᖏᓐᓂᒃ - ᐃᓗᓯᕐᓴᕿᐊᕐᓂᖅ, ᖃᓄᐃᓇᙰᓯᐊᕐᓂᖅ ᐊᒻᒪᓗ ᐃᓅᖃᑎᒌᑦᓯᐊᓂᖅ - ᐊᒻᒪᓗ ᑲᔪᓯᑎᑕᐅᑦᓱᓂ ᑐᖕᖓᕕᖏᓐᓄᑦ ᓲᓱᒋᔭᐅᓂᖅ, ᓲᓱᒋᓗᓂ, ᐃᒻᒥᓂᕿᒍᓐᓇᓂᖅ, ᐊᑦᑕᓀᑦᑐᒦᓐᓂᖅ ᐊᒻᒪᓗ ᐃᓚᐅᑎᑦᓯᓂᖅ.
ᖃᐅᔨᓴᕆᑦ ᐱᒋᐊᕐᑎᑕᐅᔪᓂᒃ ᐊᒻᒪᓗ ᐃᑲᔪᕐᑕᐅᕕᑦᓭᑦ
ᑐᓴᕐᑎᓯᒍᑏᑦ ᑲᒪᑦᓯᐊᖏᓐᓂᒧᑦ
ᑭᓇᑐᐃᓐᓇᖅ ᐅᖄᒍᓐᓇᕋᔭᕐᑐᖅ ᐃᓱᒫᓘᑎᖃᕈᓂ ᐱᑦᓯᐊᑕᐅᖏᑉᐸᑦ ᐃᓄᑐᙯᑦ ᐅᕝᕙᓘᓐᓃᑦ ᐃᓄᒻᒪᕆᐅᑉ ᐱᒍᓐᓇᓗᐊᖕᖏᑲᓗᐊᕐᓂᖓᓂ.
ᐃᓕᑦᓯᒋᐊᓪᓚᖁᓗᒍ ᑭᓇᒃᑰᑐᑦ ᖃᐅᔨᒪᑎᑦᓯᒍᓐᓇᑐᑦ ᑲᒪᑦᓯᐊᖏᓐᓂᒥᒃ, ᖃᓄᖅ ᐅᓐᓂᓘᒍᓐᓇᒪᖔᑕ ᐊᒻᒪᓗ ᓱᓀᑦ ᑭᖑᓂᖓᓂ ᐊᑑᑎᓛᕐᒪᖔᑕ.
ᖃᐅᔨᒋᐊᕐᕕᐅᒍᑎᕗᑦ - ᔪᓂ 15
ᓇᕝᕚᑎᖃᑦᑕᓗᒋᑦ ᑐᑭᓯᐅᑎᑦᓴᓂᒃ, ᐃᑉᐱᒍᓱᓕᕐᑎᓯᒍᑎᓂᒃ ᐊᒻᒪᓗ ᐃᑲᔪᕐᓯᒍᑎᑦᓴᓂᒃ ᓄᓇᓕᓐᓂ ᐃᓄᑐᙯᑦ ᖃᓄᐃᖕᖏᓯᐊᕆᐊᖃᕐᓂᖏᓐᓂᒃ, ᐃᑲᔪᕐᓯᒍᑎᑦᓴᓂᒃ ᓈᒻᒪᓈᖕᖏᑐᓂᒃ ᐱᓂᕐᓘᑎᖃᕐᑌᓕᓂᕐᒥᒃ ᐊᒻᒪᓗ ᑫᓪᓗᑐᐃᓂᕐᒧᑦ ᓲᓱᑦᓴᓯᐊᕐᓂᒥᒃ ᐊᒻᒪᓗ ᐊᑦᑕᓀᑦᑐᒥᒃ ᓄᓇᓕᓐᓂᒃ.
ᑲᓇᑕᓕᒫᒥ ᐃᓄᑐᙯᑦ ᐅᓪᓗᖃᕐᑎᑕᐅᕕᖓᑦ
ᐅᓪᓗᖁᑎᒃ ᖁᕕᐊᓲᑎᖃᕐᓂᒧᑦ ᐃᓄᑐᙯᑦ ᐱᔭᕇᕈᓯᐅᑎᖃᕐᓂᒧᓪᓗ ᐃᓕᑕᕆᔭᐅᓂᖏᓐᓄᓗ ᐱᒻᒪᕆᐅᓂᖏᑦ ᓄᓇᕕᐅᑉ ᓄᓇᓕᖏᓐᓂ.
ᓯᓚᕐᔪᐊᒥ-ᐃᓄᑐᙯᑦ ᑲᒪᒃᑭᓗᑦᑕᐅᓂᖏᓐᓂᒃ-ᐃᑉᐱᒋᔭᑦᓴᖃᕐᓂᐅᑉ ᐅᓪᓗᖃᕐᑎᑕᐅᕕᖓᑦ- ᐅᑦᑕᐅᓕ 1
ᐅᓪᓘᑉ ᐊᑕᐅᓯᖓ ᒥᑦᓵᓄᑦ ᑐᑭᓯᒪᔭᐅᑎᑦᓯᒋᐊᕈᑎᐅᓗᓂ ᐱᑦᓯᐊᑕᐅᖏᓐᓂᖏᓐᓂᒃ ᐃᓄᑐᙯᑦ, ᐃᓕᑕᕆᓗᒋᑦ ᐃᑉᐱᓂᐊᕐᓂᖏᑦ ᐊᒻᒪᓗ ᓴᐳᒻᒥᓗᒍ ᐸᕝᕕᓇᕿᑎᑦᓯᑌᓕᓂᖅ, ᓲᓱᒋᓗᒋᑦ ᓴᐳᒻᒥᓗᒋᓪᓗ.
ᓄᓇᕕᒻᒥᐅᑦ ᐃᓄᒻᒪᕇᑦ ᐅᖃᖃᑎᒌᓐᓂᖓ
ᓄᓇᕕᒻᒥ ᐃᓄᑐᙯᑦ ᐅᖄᖃᑎᒌᓐᓂᖏᑦ ᑲᑎᑦᓯᔪᕕᓃᑦ ᐃᓄᑐᙯᑦ ᐱᓇᓱᖃᑎᖏᓗ ᐊᑑᑎᓯᒪᔭᒥᓂᒃ ᐅᖄᖃᑎᒋᑦᓱᒋᑦ, ᐅᖄᖃᑎᒌᑦᓱᑎᓗ ᐱᓀᓗᑕᕐᓂᒃ ᕿᒥᕐᕈᖃᑎᒋᑦᓱᒋᓪᓗ ᖃᓄᖅ ᓴᐳᒻᒥᓯᐊᕆᐊᓪᓚᕈᓐᓇᒪᖔᑕ ᐃᓄᑐᙯᑦ ᓄᓇᕕᓕᒫᒥ.
ᐃᓄᑐᙯᑦ ᑲᑎᒪᓂᐊᕈᓯᖏᑦ
ᖃᐅᔨᒋᑦ ᑲᑎᒪᓂᐊᕈᓯᕐᓂᒃ ᑐᑭᓯᒪᔭᐅᑎᑦᓯᒍᑎᓂᓪᓗ ᓱᖃᑦᓯᐅᑏᑦ ᐃᑲᔪᕐᓯᔪᑦ ᐃᓕᓐᓂᐊᓂᕐᒥᒃ, ᐅᖄᖃᑎᒌᓐᓂᒥᒃ ᐊᐅᓚᑦᔭᕆᐊᕈᑎᖃᕐᓂᒥᓪᓗ ᐃᓄᑐᙯᑦ ᖃᓄᐃᖕᖏᓯᐊᕐᓂᖓᓄᑦ, ᐊᑦᑕᓇᕐᑐᒦᑦᑌᓕᓂᕐᒧᑦ ᑲᒪᒋᔭᐅᑦᓯᐊᖏᑦᑑᑉᐸᓗ ᐃᑯᓪᓚᑎᑦᓯᒐᓱᐊᕐᓂᒧᑦ.